Facebook

Twitter

Heurèr
2017

Lo dossièr deu mes

Tèrras d'Òc, tèrras de migracions

"1000 Vaudés caçats de las Vaths de la Durança..."

Donald Trump qu'ensaja de har passar lo son decret hèra controversiat tà barrar l'entrada deus Estats-Units aus ciutadans de sèt país a majoritat musulmana. Dens lo son programa tà la presidenciau de 2017, Marine Le Pen qu'a la tintèra de perpausar ua immigracion « legau » redusida de 200 000 entradas cada annada a 10 000 entradas per an, sia 20 còps mensh d'admissions.

Çò que vòu desbrombar lo duo ganhant, ei que França e los Estats-Units ne serén pas çò qui son shens los nombrós flux migratòris qui's debanèn tot au long de l'istòria deu planeta.

Per rasons climatica, economica o per gost de l'aventura, l'Òmi non deishè pas de mudar tà çò qui serà Occitania de uei lo dia. I a 3 milions d'annadas dejà, los homo habilis, puish 40 000 ans abans Jèsus Crist, los homo sapiens sapiens. Cap a 10 000 ans abans JC, las tèrras nostas que coneishón ua transformacion deus lors mòdes de vita dab l'arribada deus pòbles indo-europèus.

Au sègle dusau abans JC, l'Empèri roman que s'espandirà de la Mar Negra dinc a l'Atlantic. E nosautes ne desbrombaram pas lo « passatge » deus Visigòts dab lo lor reiaume qui anava deu Leire dinc a Gibraltar, e aquò, pendent tres sègles (s.Vau au s.VIIIau), preséncia com ac precisava l'autor Alem Surre Garcia dens lo precedent dossièr OCfutura, totaument esfaçada de l'istòria de l'exagòne.

Au demiei de las rasons qui possèn a las migracions, qu'arretrobam las persecucions religiosas, comunas aus sègles XIIau e XIIIau.  Qu'estó lo cas deus 1000 Vaudés caçats de las Vaths de la Durança, pr'amor de la lor credença en la glèisa evangelica. Que migrèn tà las Vaths deu Piemont italian (cap a 100 000 locutors òc uei lo dia), ua partida d'enter eths que possè mei au sud d'Italia en lo vilatge de Guardia Piemontese.  

D'autes qu'anèn tau sud d'Alemanha on pas sonque los noms de vilas testimonian de las originas occitanas deus lors creators.

 A comptar deu sègle XVIIIau, que's nòta ua emigracion a l'interior de França. Los tribalhadors sasonèrs, especiaument lemosins e auvernhats qu'anèn tribalhar tà Lengadòc e Espanha. Au sègle XIXau, Occitans que's virèn cap tà la capitala, profieitant de l'espandiment de París. Lo fenomèn « bonhat » que's desvolopa : los auvernhats e roergats que's lançan dens lo comèrci deu carbon de deus vins acerà. 


Ua purmèra andada d'emigrants ariegés que's desplacè au sègle XIXau cap tau Estats-Units, mei que mei tà Nava-York on los orsatèrs exportèn lo lor saber-har dab succès e deishèn la misèria darrèr eths. Lo periòde enter la purmèra e la dusau Guèrra Mondiau que marquè la dusau andada d'emigracion.

Cap a 25 000 bigordans que s'installèn tà America deu Sud possats per la misèria, o en rason deu dret d'ainat qui empachava los capdèths de tornar préner la bòrda familiau o enqüèra hemnas emprenhadas hòra maridatge.

Source : La Setmana

Orsalhièr : de Liverpool à New York !

Source : Radio Pais

"Oh, tu parles pas bien patois, tu ! "

Un reportatge d'Occitania Creativa sus las diferentas migracions en Dordonha...

L'emigracion bearnesa en Argentina

Source : Radio Pais

Migracion de pirenencs de cap tà l'America

Profietant deu seminari "Genealogia e Migracion", qui's debanè au Parlament de Navarra en heurèr 2017, ÒCtele qu'a encontrat las associacions qui tribalhan tà ua mei bona coneishença de las diferentas migracions de bearnés e bigordans de cap tà l'America.

Source : Octele

Al-Bucassis

La medecina es encara a espelir a l'Edad Mejana, quora Albucasis, natiu d'Al-Andalus, comença la redaccion d'Al-Tasrif, « La Chirurgie », sorsa medicala de referéncia al programa de las universitats de tot lo monde medieval. La Bibliotèca de medecina de Montpelhièr consèrva dins sas colleccions un exemplar unic en occitan d'aquel obratge, que testimònia d'aquel pont entre las culturas. Un « manuscrit H95 » qu'a pas encara desliurat totes sos secrets. Cercaires e expèrts se son interessats a sos originas. Mantuns indicis nos meton sus la pista de Gaston II e Gaston III de Fois-Bearn, ditz Febus...

Lexic e toponimia… dab "Lo Congrès"

Source : Lo Congrès

Lo punt de vista deu mes

La cançon deu mes

Source : Radio Paìs

Migracions de léger... dab l'InÒc Aquitània

Source : InÒc

Los trobadors a la conquista de l’Euròpa

Source : InÒc

Los partenaris deu projècte

Région Nouvelle Aquitaine

Projècte sostengut per la Region Novèla Aquitana

© 2017 0C PROD. Totes dreits reservats

Tots los partenaris

Lo CIRDÒC

Lo Congres

InÒc Aquitània

ÒCtele

Radio País

Occitanica+

La Setmana