Facebook

Twitter

Octobre
2017

Lo dossièr deu mes

Rentrada escolara

La prumèra rentrada de Calandreta

Anna Maria Roth qu'ei a l'origina de la creacion de la tota prumèra Calandreta qui aviè a Pau lo 3 de genèr de 1980. Com estó possible ? Com estó percebut ? Que'ns liura los sons soviéners e que'ns desvela l'origina deu nom « Calandreta »…

Pro vista, ua navèra Calandreta que s'aubreish en Besièrs. En 2016, que i avèva 62 escòlas e 3 collègis.

Source : OC PROD

"’L'Ofici que depausè un dossièr per un finançament europenc entà experimentar un escambi d’ensenhaires"

Despuish lo vòte de la lei Deixonne, qui autoriza l'ensenhament de las lengas ditas regionaus en França, la transmission de la lenga occitana qu'a evolucionat a tot doç.

La purmèra Calandreta que s'ei obèrta a Pau dens los Pirenèus-Atlantics en 1979 e lo purmèr collègi Calandreta a Latas en Eraut en 1997.

Uei lo dia, que's compta cap a 3 900 mainatges escolarizats en Calandreta dont a puish près 300 dens lo segond grad, 67 escòlas immersivas en lenga occitana que son estadas creadas atau com 3 collègis (Pau, Tolosa e Montpelhièr) despuish 38 ans. Duas navèras escòlas Calandreta qu'an obèrt las lors pòrtas a la rentrada de 2017, las duas situadas en Region Navèra-Aquitania : la Calandreta Drin a Drin a Espuei (3 inscriuts e ua familha interessada) e la Calandreta Lo Caminol a Pena d’Agenés (9 inscriuts).

La Confederacion Calandreta que tribalha tà l'obertura d'un quatau collègi Calandreta sus Besièrs dens las annadas a viéner.

La creacion d'un licèu Calandreta n'ei pas enqüèra a l'òrdi deu dia : « Avèm una granda dinamica, una granda demanda sociala. Cal organisar lo movement per que siá mai conscient d'el. Avèm un movement que se desvolopa e que càmbia de natura, siá pas que pel desvolopament del segondari. Doncas, lo movement deu aver en se una organisacion pel primari e una organisacion pel segondari. Avèm besonh d'informar mai. Lo problèma es que per cada escòla, es una lucha ! », çò digó lo president de la Confederacion de las Calandretas, Joan-Loís Blenet au noste micrò l'an passat.

L'ensenhament deu bilingüisme francés-occitan qu'ei autorizat per la lei despuish 1983. En 2009, puish en 2011, lo rector de l'Academia de Bordèu que signè ua convencion dab lo Conselh Regionau d'Aquitania e quate deus cinc departaments (Dordonha, Gironda, Òlt e Garona e Pirenèus-Atlantics) entà hicar en plaça un seguit per s'escàder a l'obertura de sites bilingües, ahortir la formacion deus regents,-as, o enqüèra organizar la creacion de materiau pedagogic.

L'an passat, navèra avançada, ua convencion-quadre qu'estó signada per la ministra de l'Educacion nacionau, Najat Vallaud-Belkacem, la Region Navèra-Aquitania, la Region Occitania e l'OPLO.

Aquera que permet ua continuitat pedagogica : los mainatges qui an seguit un cursus en primària, que pòden d'ara enlà recéber l'ensenhament dens lo segond grad. Que fixa objectius declinats au nivèu academic, las 5 academias dens las duas Regions Navèra-Aquitania e Occitània/Pirenèus-Mediterranèa (Bordèus, Lemòtges, Montpelhièr, Peitius e Tolosa).

Despuish annadas, l'Universitat Paul Valéry de Montpelhièr que perpausa ua licéncia, un master e un doctorat d'occitan.

« Dins las annadas 90, i aviá fòrça d'estudiants perque i aviá pas aquel trauc del licèu qu'es estat causat per las reformas de las annadas 2000. La situacion es catastrofica e aquò pesa sus la facultat ont lo nombre d'estudiants s'es redusit »,

...
Source : La Setmana
La plaça tà l'ensenhament de l'occitan
Source : Christian Lamaison

« Tà nosauts, qu'ei ua bona rentrada »

Source : Radio Pais
La plaça tà l'ensenhament de l'occitan

Christian Lamaison qu'ei un dessenhaire qui n'esita pas, dab umor, a soslinhar las problematicas deus occitans dens la lor vita vitanta. Ensenhament, religion, drets de l'Òmi, laïcitat, Istòria... N'a pas paur de la caricatura !

Tà'n saber mei : http://data.bnf.fr/11910782/christian_lamaison/

Dintrada escolara de 2017

L'associacion TéVéÒc a realizat una emission de television completa sus la dintrada escolara de 2017. Lisa Gròs, Amy Cros, e tota sa còla anèron rescontrar de professors dins mantun establiment. L'escasença de far lo punt suls efectius, los projèctes, las espèras per aquela novèla annada escolara. Podètz tornar trapar cada setmana ua novèla emission sus lo site de l'associacion TéVéÒc : www.teveoc.com

Source : TéVéÒc

Lexic e expressions… amb Lo Congrès

Source : Lo Congrès

La rentrada dab l'InÒc Aquitània

Voladas de léger... dab l'InÒc Aquitània

La cançon de Paraulas en Òc

A qué serveish l'escòla ? de Sors les mains d'tes poches

Los partenaris deu projècte

Région Nouvelle Aquitaine

Projècte sostengut per la Region Novèla Aquitana

© 2017 0C PROD. Totes dreits reservats

Tots los partenaris

Lo CIRDÒC

Lo Congres

InÒc Aquitània

ÒCtele

Radio País

Occitanica+

La Setmana