Facebook

Twitter

Octobre
2017

Lo dossièr deu mes

Los espòrts occitans

Lo tambornet

Del calhau a la bala, de la man a la raqueta : long dels sègles, lo jòc de pauma s'es mantun còp metamorfosat per sedusir los amators. La França ne presenta d'alhors diferentas variantas : se lo País Basc a sa pelòta, Lengadòc a son « tambornet ». Amb las videoguidas e-Anem, lo CIRDÒC vos convida a descobrir la riquesa del patrimòni occitan de Lengadòc-Rosselhon.

Source : Lo CIRDÒC

"Com la lenga, los jòcs tradicionaus que son pertocats per ua desapareishuda progressiva."

Los jòcs tradicionaus que testimonian dab l'arquitectura e la gastronomia, d'ua cultura e a ua identitat regionaus restacadas a un espaci geografic particular. Com la lenga, que son pertocats per ua desapareishuda progressiva. Totun, nombrosas que son las associacions qui òbran tà la lor sauvaguarda e la lor promocion uei lo dia com lo Centre deus Jòcs e Espòrts Tradicionaus d'Occitania a Aush en Gèrs. N'ei pas rar qu'un eveniment culturau occitan programme iniciacions aus jòcs ancians. Que's debana cada dus ans a Sarlat en Peiregòrd, lo hestenau Ringueta a l'entorn deus jòcs tradicionaus occitans. Qu'estó creat sus la basa d'ua collècta de las importantas de jòcs ancians en lo sud-oèst e sud-èst d'Occitania.

La famosa « pétanque », Pès tancats en lenga nosta, qu'ei un jòc popular e cada region deu nòrd au sud deu país, qu'a la soa varianta. Los meridionaus que jògan la lor version de la bola lionesa (creada au sègle XVIII), qu'apèran « la longa » o « los tres pas ». Pendent longtemps, la Federacion Francesa de Bolas qu'estó dominada per la bola lionesa e au briu deu sègle XIXau, la seccion provençau de la FFB codifica lo jòc « la longa ».

Lo tambornet que's jòga dab duas equipas de 5 jogaires. Separat d'ua linha, lo terrenh que hè 80 m de longor e 20 m de largor.

Los jogaires que son equipats d'un tamborin e que deven tornar ua bala de cauchó dens lo camps advèrse. Aqueth jòc qu'ei ligat au jòc de pauma qui existeish despuish l'Antiquitat. Qu'estó hèra popular a l'Edat-Mejan. En 1215, Pierre de Coliment, arquevesque de Rouen que defenó la practica deu jòc de pauma aus prèstes qui's vestivan dab tiengudas « desgargaladas » au parat de las partidas.

Las quilhas de nau qu'ei un jòc hèra ancian practicat en Occitania tota. Nau quilhas que son dispausadas a l'interior d'un carrat, a 2,15 m l'ua de l'auta.

La tòca qu'ei de lançar ua bola sus aquestas quilhas en har figuras impausadas, shens har sortir la bala deu carrat tau purmèr lançat.

...
Source : La Setmana

Las quilhas de nau

Las quilhas de nau
Source : Vistedit

« A l'epòca, qu'èra la sola distraccion »

Source : Radio Pais

Las Ajustas setòrias

L'equipa d'ÒCtele qu'anè a l'encontre de Philippe Carcassés, jogaire d'autbòis, de qui nos parla de las ajustas : ua tradicion tipicament setòria.

Que'ns explica los metòdes tà ajustar, l'istòria d'aquèth jòc, e la relacion entre las ajustas e la musica, sustot l'autbòis e lo tambor.

Tà'n saber mei, retrobatz lo D'ÒC SHOW Seta sus www.octele.com

Source : OC PROD

Lexic e expressions… amb Lo Congrès

Source : Lo Congrès

Ua anecdota rugbistica de François Moncla

François Moncla, jogaire puish capitani deu XV de França de 1956 a 1961 que partatja los sués sovièrs de rugbí suu platèu deu d'ÒC Show, e especiaument anecdòtas passionantas sus las viradas en Africa deu Sud.

Extrèit deu "D'ÒC Show Morlaàs : De rugbi e d'òmis" (2015) de retrobar sus la cadena Youtube ÒCtele.

Source : OC PROD

Corrida e corsas landesas

Source : OC PROD

La cançon de Paraulas en Òc

Targa dau Martegau de Mont-Jòia

Los partenaris deu projècte

Région Nouvelle Aquitaine

Projècte sostengut per la Region Novèla Aquitana

© 2017 0C PROD. Totes dreits reservats

Tots los partenaris

Lo CIRDÒC

Lo Congres

InÒc Aquitània

ÒCtele

Radio País

Occitanica+

La Setmana