Facebook

Twitter

Julhet
2017

Lo dossièr deu mes

Evolucion deu vòte dens los país d'òc

Source : OC PROD

Evolucion deu vòte a las legislativas despuish 1958

De 1936 (Front popular) dinc a 1958, lo vòte a las legislativas dens los país de lenga d'òc qu'estó majoritàriament d'esquèrra. Qu'estó un vòte sovent contestatari fàcia al poder de París, qui segueish las diferentas revòltas d'aquela debuta de sègle XXau. Mas a comptar de las annadas 60, aqueth vòte que càmbia, e quitament se la victòria de Mitterrand e ved aparéisher un vent socialista dens lo sud de França, ua alternança dreta-esquèrra que vaderà e a partir de las annadas 2000, qu'ei la dreta extrèma qui apareisherà de l'èst dinc a l'oèst.

"Quin Occitania ei vaduda lo bastion de l'esquèrra dinc ad aquestas darrèras annadas ?"

Despuish las originas de la Republica, qu'assisteishem a ua diferenciacion regionau de las coloracions politicas en França. Ua França deu nòrd e ua França deu sud que's son dessenhadas mei o mensh netament au briu de las annadas.

Au moment de las legislativas de 1962 a 1967, la carta electorau de l'esquèrra francesa qu'ei la de l'Occitania, lhevat lo Massís centrau, Aups-Maritimes e Pirenèus-Atlantics.

Pendent las eleccions cantonaus de 1967, quan dens la màger part deus país occitans, la presidéncia deu Conselh Generau estó atribuida a un representant de l'esquèrra (FGDS, PSU o PC), dens los deu nòrd, mantuns partits qu'estón representats dab presidéncias de dreta, centre-democratas, centre esquèrra, FGDS, PSU e PC. Mes quin Occitania ei vaduda lo bastion de l'esquèrra dinc ad aquestas darrèras annadas ?

Segon « Le Sud et le Nord, dialectique de la France », libe dens lo quau Michel Grosclaude analisa la bipolarizacion Nòrd-Sud de la carta politica en França, dinc a 1890, l'Èst qu'èra ua ciutadèla deu conservatisme quan l'esquèrra ne's trobava partisans que dens los bacins minèrs e los centres industriaus. A partir de la liberacion, la region Èst deu país qu'ei vaduda lo fiu deu MRP, puish de RPF e de l'UDR. Qu'ei cap a 1914 que Lengadòc pren las soas colors socialistas.

Eveniments màgers e crisis sociaus e economicas que's debanèn au començar deu sègle XXau (proletarizacion deus agricultors, crisi de 1907 e susmauta deus vinhairons) que joguèn un ròtle dens la causida d'aqueth vòte.

Lo socialisme que s'implantè dens lo nòrd d'Occitania chic de temps abans la Purmèra Guèrra Mondiau. A las tres regions meriodionaus que son lo departament sud-rodanenc, l'arc lengadocian dinc a Tolosa e l'ensemble deus departaments nòrd-occitans, que s'ajusta lo nòrd d'Occitania on Dordonha ei l'un deus mei ancians fius deu Parti Radical. Despuish la liberacion, aqueths ensembles qu'an enqüèra mei afirmats la lor coloracion d'esquèrra.

...
Source : La Setmana

Manifestacion deu 26 de mai de 1907 a Carcassona

Manifestacion a Carcassona

Lo fenomène "Entau País" enas annadas 90

Source : Radio Pais

Lexic e expressions… amb Lo Congrès

Source : Lo Congrès

Alternanças politicas a Besièrs

Se Besièrs a vist nàisser l'eròi de la Resisténcia Jean Moulin, e se foguèt longtemps dirigida per d'òmes politics d'esquèrra (bascula a dreita sonque en 1967), a uèi un conse d'extrèma-dreita. Pr'aquò son istòria es semblabla a las de las autras vilas occitanas, una succession d'alternanças esquèrra-dreita...

Source : OC PROD

Ne saupre mai amb Occitanica

Source : Lo CIRDÒC

Guy Héraud - Campanha electorau oficiau : eleccion presidenciau 1èr torn - 27 d'abriu de 1974

Au parat de la campanha electorau tà las eleccions presidenciaus, lo candidat Guy Héraud qu'expausa las soas proposicions tà ua politica virada de cap tà las regions, mei que mei Occitania.

Source : INA

Tà anar mei luenh

Voladas de léger... dab l'InÒc Aquitània

Los partenaris deu projècte

Région Nouvelle Aquitaine

Projècte sostengut per la Region Novèla Aquitana

© 2017 0C PROD. Totes dreits reservats

Tots los partenaris

Lo CIRDÒC

Lo Congres

InÒc Aquitània

ÒCtele

Radio País

Occitanica+

La Setmana