Facebook

Twitter

Novembre
2017

Lo dossièr deu mes

Portrèits de hemnas occitanas

Hemnas de prestigi

Personatges istòrics o semi-legendaris, que joguèn un ròtle averat màger dens los païses d’òc et que son encausas d’inspiracion o son vadudas miticas. 6 portrèits de hemnas occitanas : ua emperaira (Galla Placidia), ua reina (Aliénor), ua artista (Clémence Isaure), ua protestanta (Jeanne d'Albret), ua musa (La belle Paule), ua militanta (Olympe de Gouges) deus drets de las hemnas …

Source : OC PROD

"’Tres pertrèits de hemnas occitanas au demiei de'us qu'avem escriut dens lo jornau aquestas duas darrèras annadas"

Tad aqueth navèth tèma d'Òcfutura, qu'avem decidit de causir, e n'estó pas causa aisida, tres pertrèits de hemnas occitanas au demiei de'us qu'avem escriut dens lo jornau aquestas duas darrèras annadas. L'ua qu'ei professora d'occitan-provençau a Marselha, la dusau qu'ei cantaira e musicaira e la tresau ei condaira !

Entà poder parlar l'occitan en dehòra deu cerc familiau, Maria-Noèla Pieracci que devó trobar endrets « confidenciaus » a l'encontre de militants. La provençau qu'encontrarà alavetz hèra de monde dens lo mitan deu teatre mes tanben deus mèdia.

La ràdio qu'estó l'un deus autes mejans que Maria-Noèl trobè tà poder exprimí's librament dens la lenga qu'afecciona tant. Pendent 12 ans, qu'animè ua emission culturau cada dimèrcs sus las ondas de Sant Ceri dens Var.

N'a pas jamei podut seguir cors d'occitan a l'escòla, mes que reparè lo temps perdut pendent los sons estudis d'Istòria. Que validè un Diplòma Universitari (DU), puish drin mei tard, qu'obtienó lo CAPES dens las annadas 2000. Despuish, qu'ei professora dens lo segondari public. Segon era, l'ensenhament qu'ei essenciau tà la transmission de la lenga mes tanben los mèdia e la produccion artistica. Que participarà a l'aventura de la « Madalena », imaginada peu cantaire Manu Théron en 2011. Lo líder deu Còr de la Plana que hiquè en musica aquesta legenda foceana, arron annadas de recèrcas dens los archius municipaus de Marselha. Que formè alavetz un còr de 23 hemnas vienudas de la navèra generacion de cantairas d'Occitania. Maria-Noèla qu'i canta dab artistas com Myriam Boisserie, Lise Borki o enqüèra Isabelle François.

« M’agrada de cantar en occitan perqué, nos vèn, es un acte militant. Es pas a l’azard se cantam en occitan. Nos vèn de la volontat d’espandir la lenga »,

...
Source : La Setmana

« Un encontre susprenent dens lo Gèrs »

Source : Radio Pais
Olympe
"Aumenatge a Olympe de Gouges". Source : wikimedia communs

Trobairitz en Gevaudan

Lo Gavaudan : tèrra de trobairitz. Dens aqueth territòri, deu quau las termièras passan lo despartament administratiu de la Lozèra en desbordar sus l’Ardècha o lo Gard, las sorgas qu’evòcan un ensemble d’au mensh catorze trobadors a l’entorn de 1180, quate deus quaus son hemnas. La loa produccion que testimònia de l’acompliment d’aquesta literatura. Descobritz las videoguidas e-Anem deu CIRDÒC sus http://occitanica.eu/

Source : Lo CIRDÒC

Lexic e expressions… amb Lo Congrès

Source : Lo Congrès

La cançon de Paraulas en Òc

Las femnas son pas de bestial de La Talvera

Los partenaris deu projècte

Région Nouvelle Aquitaine

Projècte sostengut per la Region Novèla Aquitana

© 2017 0C PROD. Totes dreits reservats

Tots los partenaris

Lo CIRDÒC

Lo Congres

InÒc Aquitània

ÒCtele

Radio País

Occitanica+

La Setmana