Facebook

Twitter

Junh
2017

Lo dossièr deu mes

Quan la campanha e s'invita en vila

Parcelas solidàrias a Pau

La vila e la comunitat d'aglomeracion de Pau qu'an un servici « espacis verds naturaus e biodiversitat » qui hica zònas urbanas a disposicion de las associacions. Que las pòden utilizar de faiçon solidària tà ua agricultura rasonada e partatjada. Dens mantun endret que trobam parcèlas solidàrias, òrts e vergèrs partatjats, sèrras... qui vaden lòcs d'escambi. Un deus nombrós exemples d'aqueth movement qui creish pertot dens las metropòlis, on la campanha e s'installa.

Source : Octele

"Casaus partatjats, vectors a l'encòp economics e sociaus que's multiplican"

Lo movement d'urbanizacion qu'arribè en Euròpa a la fin de l'Edat-Mejana dab l'aparicion de la borgesia, deu movement de las Bastidas enter la crotzada deus Albigés e la guèrra deus Cent Ans, e plan segur dab la debuta de l'exòde rurau. Aqueste darrèr atau com lo desvolopament de la societat virada cap a l'industria e los servicis qu'encoratgè lo monde a viéner cercar tribalh en los centres urbans.

Despuish l'enter-duas guèrras, dab l'explosion demografica de las vilas de l'emisfèra nòrd, los besonhs alimentaris, mei que mei en produits e aliments frescs dens las vilas industrializadas, que's son acreishuts.

Entà respóner aus besonhs de consum a viéner, uns ciutadans, especialistas ingeniaires e arquitèctes que desvolopèn e que contunhan de desvolopar projèctes deus originaus... Ne v'estona pas de véder cavens suus teits deus immòbles e quitament... d'aeropòrts (parisencs) ?

Uei lo dia, n'ei pas arren de véder òrts installats suus teits e tanben… sus parets dens granas vilas (dont Marselha e Tolosa) !

Casaus partatjats, vectors a l'encòp economics (melhorar la vita de familhas) e sociaus (escambis e mixitat sociau) que's multiplican especiaument dens l'exagòne, precursor en la matièra. Qu'ei dens las annadas 1890 que's crea la Ligue Française du Coin de Terre et du Foyer, entà hicar a disposicion tèrras aus obrèrs. Los terrenhs hicats a disposicion que passan de 47 000 en 1921 a mei de 250 000 en 1945. Dens las annadas qui segueishen, los « casaus obrèrs » que vaden « casaus familiaus ».

Los Americans que lancèn l'idea deus casaus comunautaris urbans (Community gardens) en 1973 a Nòva York, mercés a Liz Christy.

Pr'amor deu gran nombre de terrenhs abandonats, ciutadans que creèn lo concèpte de « bombas de granhas » (« seeds bomb »)

...
Source : La Setmana

Que hè meu en vila

Source : Radio Pais

Òrt partatjat a Bordèu, laureat 2012 de la Fondacion de França

Òrt partatjat
Source : Als33120 Wikimedia Commons

Lexic e expressions… amb Lo Congrès

Source : Lo Congrès

Al fial de la seda

Produit chinés pluri-millenari, lo secret del fial de seda s'espandís pauc a pauc en Orient-Mejan puèi dins lo bacin mediterranèu. A l'epòca modèrna en França, constituís un enjòc economic de primièr plan pels governants nacionals e locals que ne van favorizar la produccion. Tròba dins las Cevenas del sègle XVIII un espaci favorable a son desvolopament. La produccion fa partida de la vida locala dont los contorns, la lenga, las costumas van tanben influenciar la practica de la cultura dels manhans.

Ac sabiatz ?

Voladas de léger... dab l'InÒc Aquitània

Aqueths aussalés (fons Junquèr d’Òc)

Source : Sondaquí

Los partenaris deu projècte

Région Nouvelle Aquitaine

Projècte sostengut per la Region Novèla Aquitana

© 2017 0C PROD. Totes dreits reservats

Tots los partenaris

Lo CIRDÒC

Lo Congres

InÒc Aquitània

ÒCtele

Radio País

Occitanica+

La Setmana